Sukhkarta dukhharta ganesh aarati lyrics in Telugu with meaning

sukhkarta dukhharta ‘’గణేష్ హారతి‘ సాహిత్యం అర్థం:

భారీ శరీరం, ఎడమ వైపునకు తిరిగి ఉండే తొండం మరియు కోట్లాది సూర్యులకు సమానమైన తేజస్సు కలిగిన ఓ సర్వోన్నత గణేశా, మేము మొదలుపెట్టిన ప్రతీ పని ఎలాంటి ఆటంకాలు లేకుండా విజయవంతంగా పూర్తి చేసేటట్లు ఆశీర్వదించండి స్వామి.

ఎల్లప్పుడూ విజయాన్ని ప్రసాదిస్తూ, ఎనిమిది స్వయంభు నివాసాలు కలిగిన సర్వశక్తిమంతుడైన గణపతికి సాష్టాంగ నమస్కారం. నీవే మాకు తండ్రివి. మేము ఎల్లప్పుడూ మిమ్మల్ని మోరే ముని లాగా ప్రార్థిస్తాము.

ఆనందాన్ని ఇచ్చి, దుఃఖాన్ని నాశనం చేసి మరియు జీవితం నుండి అన్ని “అడ్డంకులు” (విఘ్నాలను) తొలగించి, ప్రేమను ఆశీర్వాదంగా ప్రతిచోటా వ్యాపింప చేసిన గణేశా, ముత్యాల హారాన్ని ధరించిన మీ శరీరం మంచి సువాసన కలిగిన పసుపు-నారింజ పేస్ట్ ప్రభావంతో మెరుస్తుంది.

జయము జయము గణనాథ, నిన్ను దర్శించిన మాత్రానికే మా మనసులోని కోరికలన్నీ నెరవేరుతాయి.

ఓ పార్వతీ పుత్ర మీకు గంధం పూసి, కుంకుమ పువ్వు రంగు మేని చాయ కలిగిన నుదుటిపై కుంకుమ తిలకం పెట్టాము. రత్నాలు పొదిగిన ఆసనాన్ని, వజ్రాలు పొదిగిన కిరీటాన్ని మీ కోసం అలంకరించాము. మీ పాదాల గజ్జెల సవ్వడి కూడా శ్రావ్యమైన ధ్వనిని పలికిస్తుంది ఓ వినాయక.

దేవతలచే ఆరాధించబడే ఓ గణేశా, నీ పెద్ద పొట్ట చుట్టూ పాము చుట్టుకొని ఉంటుంది. నీవు పసుపు రంగు బట్టలు ధరిస్తావు. మీ తొండం మెత్తగా మరియు వక్రంగా ఉంటుంది; మీకు మూడు కళ్ళు ఉన్నాయి. భక్తరామదాసు తన రాముడి కోసం ఏ విధంగా ఎదురుచూస్తున్నాడో అదే విధంగా నేను నా ఇంటిలో నీ కోసం ఎదురు చూస్తున్నాను. హే వినాయకా ఆపద సమయంలో మాకు సహాయం చేసి మమ్మల్ని ఎల్లప్పుడూ రక్షించండి.

చేతిలో బెల్లం లడ్డూ పట్టుకుని, దేవతలకు వరాలను ఇస్తూ, తన పెద్ద కడుపుతో కూర్చున్న ఏనుగు ముఖం కలిగిన పార్వతి పరమేశ్వరుల కుమారుడైన గణేశుడికి సింధూరం మరియు కుంకుమను మంచిగా పూయండి. మాటల్లో చెప్పలేనంత వైభవంగా ఉన్న ఆ గజాననుడి పాదాలకు నమస్కారం.

ఆనందాన్ని మరియు జ్ఞానాన్ని ఇచ్చే గణరాజా, నీ దర్శన భాగ్యం వలన నా జన్మ ధన్యమైంది.

ఎనిమిది రకాల స్వయంభు రూపాలతో మా ఆపదలను తిప్పికొట్టేవాడా, నీవు మాకు ఎదురయ్యే ఆటంకాలన్నిటిని నాశనం చేసే మంగళ స్వరూపానివి. నీ బుగ్గలు మరియు నుదురు చంద్రుని వలె ప్రకాశవంతంగా ఉన్నాయి. కోటి సూర్యులకు సమానమైన తేజస్సు కలిగిన ఓ విఘ్నరాజా నీకు నమస్కారం.

ఎవరైనా భక్తితో మిమ్మల్ని చేరుకుంటే, వారికి శాశ్వతమైన సంపదను మరియు వారికి కావలసినవన్నీ నిండుగా ఇవ్వండి. హే గణేష్ మహారాజా మా మీద దయచూపుతూ ఎల్లప్పుడూ ఇలాగే మాతో ఉండండి. మీ కీర్తిని నిత్యం పాటల రూపంలో హరిదాసులు ఆనందంతో గానం చేస్తూ ఉంటారు.

ఓ ప్రభూ, మేము నీ పాదాలకు సాష్టాంగ నమస్కారం చేస్తూ, నీ అందమైన రూపాన్ని మా కళ్లతో చూస్తాం. ప్రేమతో నిన్ను కౌగిలించుకుని, సంతోషంతో ఆరాధిస్తూ, భక్తితో మమ్మల్ని మీకు సమర్పించుకుంటాము.

నీవే తల్లివి, నీవే తండ్రివి, నీవే బంధువు, నీవే మిత్రుడవు, నీవే జ్ఞానము, నీవే ఐశ్వర్యం, నీవే మాకు సర్వస్వం దేవాది దేవా.

నేను నా శరీరం, వాక్కు, మనస్సు మరియు ఇంద్రియాల ద్వారా, నా వ్యక్తిగత జ్ఞానంతో లేదా సహజ లక్షణంతో ఏ పని చేసినా, దానిని నేను సర్వోన్నతమైన దివ్య నారాయణునికి సమర్పిస్తాను.

ఓ అచ్యుతా, కేశవా, నారాయణుని అవతారమైన శ్రీ రామ, శ్రీ కృష్ణ, దామోదర, వాసుదేవా, శ్రీ హరి, శ్రీధరా, మాధవా, గోపికల సఖుడా, జానకి దేవికి ప్రభువైన శ్రీ రామచంద్రా భజేహం భజేహం.

జై శ్రీ రామ, జై శ్రీ కృష్ణ

Click here for pdf గణేష్ హారతి – సాహిత్యం

Click here for English

చిట్క:

మనం ఒకేసారి ఆపకుండా ఎంతసేపు సాధన చేయాలి: మన మెదడు కేవలం 20-30 నిమిషాలు మాత్రమే దృష్టి కేంద్రీకరించగలదు. దాని తరువాత విరామం తీసుకోవాలి. నియమం ప్రకారం, మీరు 25 నిమిషాలు సాధన చేసి, ఆపై 5 నిమిషాల విరామం తీసుకోవాలి.

స్వచ్ఛమైన గాలి మరియు నిశ్శబ్దం ఉన్న చోట విరామం తీసుకోవాలి, ఎందుకంటే మెదడు ఇప్పుడే నేర్చుకున్న వాటిని ఇంకా ఒక క్రమ పద్ధతిలో భద్రపరుచుకోలేదు దానికి కొంత సమయం పడుతుంది. కాబట్టి సాధన చేసిన వెంటనే టీవీని గాని మొబైల్‌ని గాని చూడకండి.

రోజు ధ్యాసగా ఒక అరగంట సేపు సాధన వారానికి ఒక గంట సాధన  చెయ్యడం కంటే ఎక్కువ విలువైనది.

మీకు ఈ హారతి నచ్చిందని ఆశిస్తున్నాను, మీకు ఏవైనా సందేహాలు ఉంటే దయచేసి దిగువ comments sectionలో మీ సందేశాన్ని పంపండి. తదుపరి పాటలో కలుద్దాం. నమస్కారం. 

← వందనం వందనం                                                                                                          మహా గణపతిం →

కర్ణాటక శాస్త్రీయ సంగీతం నేర్చుకోవాలనుకుంటున్నట్లయితే సంప్రదించండి👇🏽..

క్షేత్ర కర్ణాటక శాస్త్రీయ సంగీతం, కూచిపూడి మరియు పాశ్చాత్య (Western) నృత్య తరగతులు (ఆన్‌లైన్/ఆఫ్‌లైన్)

అంజలి సుధీర్ బండారి

What’s app Number: +91 9966200544.

ఇమెయిల్: sudheer.anjali@gmail.com

నేను వివిధ భాషలకు సంబంధించిన పాటల మీద కూడా డాన్స్ నేర్పిస్తాను.

మీ ఆఫీస్ లేదా పర్సనల్ సెలెబ్రేషన్స్, సంగీత్, పెళ్లి, గర్బా, కోలాటం, స్కూల్/కాలేజీ వార్షికోత్సవాలలో పాల్గొనాలనుకుంటున్నారా?? మరి ఇంకెందుకు ఆలస్యం వెంటనే సంప్రదించగలరు.

పిల్లల ముఖాల్లో చిరునవ్వులు నింపేందుకు అవిశ్రాంతంగా కృషి చేస్తున్న విద్యాస్వేచ్ఛ ఫౌండేషన్‌తో మేము టై-అప్‌ అయ్యామని చెప్పడానికి చాలా సంతోషిస్తున్నాము.

మరిన్ని వివరాల కోసం మరియు డొనేట్ చేయడానికి క్లిక్ చేయండి: vidyaswecha.org

ధన్యవాదాలు